Ысык-Көл облусунун Ак-Суу районундагы Октябрь айыл өкмөтүнүн аймагында жайгашкан Каприз–Каракол отелинен Октябрь айыл өкмөтүнүн бюджетине бир жыл ичинде 200 миң сом салык түшөт. Андан башка эч пайда жок. Мейманкана жергиликтүү калктын пайдасына иштеш керек эле. Тескерисинче, мейманкананын ээлери жергиликтүү тургундарды жумушка алуу убадасын аткарбай келет. Футбол талаасын оңдоп түзөдөн өткөрүп беребиз деп ал да унутта калды.

Эң кызыгы эми башталчудай. Анткени, аталган мейманкана улутташтырылган объекттен приватташтырылуучу объекттердин катарына өткөрүлгөнү белгилуу болду. Жергиликтүү калк буга каршы. Каприз-Каракол отели мамлекеттин менчигинде калтырылып, элдин пайдасына кызмат кылышы керек, деп эсептешет жергиликтүү тургундар.