Демократиялык өлкөлөрдө өз күчүнө жана өзүнө ишенген чыныгы саясатчылар, чыныгы лидерлер саясий күчүн өз элинен, шайлоочуларынан алат. Эч нерседен коркпостон, ээлеген кызмат макамын таштап, таза, адилет шайлоо үчүн «эркекче» саясат майдандарында ат салышат, эгер тактыктуу болсо шайлоочулар аны кайрадан эл башчылыгына алып келет. Тилекке каршы, бүгүнкү күндө премьер-министр Атамбаев баш болгон президенттикке кандидат айрым чиновниктер кызмат ордун өткөрүп берип, тайманбастан элдин алдына чыгып, таза шайлоодо өз күчтөрүн сыноонун ордуна – шайлоого аз убакыт калганга чейин кызмат абалынан пайдаланып административдик ресурсту колдонуп жатышат! Себеби булар өз күчтөрүнө ишенбейт, чыныгы «саясий фигура» катары алсыз! Албетте, бул - баарынан мурда премьер-министр Атамбаевдин жана анын тегерегиндеги кошаматчы кеңешчилеринин алсыздыгы. Жалгыз эле Атамбаев эмес, «ээлеген кызмат орду жана мамлекеттик-административдик макам менен ооруган» кыргыз саясий элитасынын, чиновниктердин, жалпы эле кыргыз коомчулугунун алсыздыгы. Таза шайлоо учун, Кыргызстандын жаркын келечеги үчүн мамлекетик структурадагы ээлеген кызмат абалын өткөрүп берип, тайманбастан элдин алдына чыгып, таза шайлоодо өз күчтөрүн сыноо - мекен алдында бардык кандидатардын, эң оболу премьер-министр Атамбаевдин милдети! Ошондуктан, таза шайлоо үчүн, Атамбаев тез арада премьердик кызмат макамын таштоосу керек!
Таза шайлоо үчүн – Кыргызстандын жаркын келечеги үчүн!